*1736...Apne Hontoon Par...Pak Old*

1327~*Terey Bagair*~Pak Old....

 

1327~*Terey Bagair*~Pak Old....

Kaise jiyen ge dard k mare tere bagair
Ab koun de ga dil ko sahare tere bagair
 Tanhaiyon ki aag mere aas paas hay
Koy naheen jo pouche nazar kyun udas hay
Lagte hain phool mujhay sharare tere bagair
 Tere hi dam se ghar ki faza khushguwar thi
Dar_o_diwar pe noor tha harso bahar thi
Beynoor hain yeh sare nazare tere bagair
 Har din hay soguwaar har ek raat gham ki raat hay
Katte hain raat din teri yadoon k sath sath
Aansu bane hain gham k sitare tere bagair...!

__._,_.___

    .

__,_._,___

1326~*Main tera shehar*~Pak Old Original poetry bye mojeeb alam...

 

1326~*Main tera shehar*~Pak Old Original poetry bye mojeeb alam...

Mere azeez tujhe yeh khushi mubarak ho
Naye bahaar naye zindagi mubarak ho
Is se pahly k teri chashmain karam
Mahzerat ki nigah ban jaye
Pyar dhal jaye mere ashkoon main
Aarzo eik ahh ban jaye
Muj pe a jaye ishq ka ilzaam
Aur tu beygunah ban jaye
Main tera shehar choor jaon ga 
Is se pahly k saadgi teri
lab_e_khamosh ko gilah keh de
Teri majboriyan na dekh sake
Aur dil tuj ko beywafa keh de
Jane main beykhudi main kiya pouchon
Jane tu beyrukhi se kiya keh de
Main tera shehar choor jaon ga 
Choor kar sahil_e_muraad chala
Ab safina mera kaheen thare
Zehar pina mera muqadar hay
Aur tere hont dilnashen thare
Kistara tere aastaan pe rukhon
Jab na paoun taly zameen thare
Main tera shehar choor jaoun ga 
Muj ko itna zaroor kehna hay
Waqt rukhsat salam se pahly
Toor loon rishta_e_nazar main bhi
Tum utar jaoo baam se pahly
Yeh meri jaan mera wada hay
Kal kisi waqt shaam se pahly
Main tera shehar choor jaoun ga.

__._,_.___

 

1325~*Mujhay aap kiyun na samajh sakey*~Pak Old...

 

1325~*Mujhay aap kiyun na samajh sakey*~Pak Old...

Mujhay apne zabt pe naaz tha,sar-e-bazm raat yeh kia huwa
Meri ankh kaise chalak gai, mujhay gham hay yeh bura hua

Meri zindagi ke cheragh ka, ye mezaj kuch naya nahin
Abhi roshni abhi teergi, na jala hua na bujha hua

Mujhay jo bhi dushman -e-jaan mila, woh pukhta kaar jafa mila
Na kisi ki zarb ghulut parri, na kisi ka waar khata hua

Mujhay raastay main parra hua, aik ajnabi ka khat milla
Kahin khoon-e-dil se likha hua, kahin aansoan se mita hua

Mujhay humsafer bhi mila koi,sitem zareef meri tarah
Kai manzilon ka thakka hua, kahin raaston ka luta hua

Mujhay is ka koi bhi haq nahin, ke main shareek-e-bazm- e-khaloos hoon
Na meray pass koi niqab hai, na kuch asteen main chupa huwa

Yeh jo sar jhuka ke guzar gaye, meray samnay se abhi abhi
Meray apnay shehar ke log thay, meray ghar se ghar tha mila huwa

Mujhay ap kiyun na samajh sake ye khud apnay dil se poochiye
Meri zindagi ki kitab ka warq warq hai khula hua

__._,_.___

 

1322...Khaar zaar hasti main...Pak Old*~~

 

~~*1322...Khaar zaar hasti main...Pak Old*~~

Kis tara rokta hoon ashq apne
Kis tara dil pe jabr karta hoon
Aaj bi kaarzaar hasti main
Jab tere shehar se guzarta hoon

Is qadar bhi naheen mujhe maloom
Kis muhaly main hay makan tera
Koun batlaey ga nishan tera
Teri ruswaiyon se darta hoon
Jab tere shehar se guzarta hoon

Haal dil bhi na keh saka, garch
Tu rahi mudaton kareeb mere
Tu mujhe choor kar chali bhi gayi
Khair kismat meri naseeb mere

Go zamana teri mohabbat ka
Eik bhuli huy kahani hay
Kis tamana se tuj ko chaha tha
Kis mohabbat se haar mani hay

Ashq palkon pe aa nahen sakty
Dil main hay teri aabro ab bhi
Tuj se roshan hay kayenaat meri
Tere jalwe hain char suu ab bhi

Ab bhi main tuj ko pyaar karta hoon
Jab tere shehar se guzarta hoon

Aaj bhi kaarzaar hasti main
Tu agar eik bar mil jaye
Aarzuon ko chain aa jaey
Hasratoon ko karaar mil jaey
Jane kiya kiya khiyaal karta hoon
Jab tere shehar se guzarta hoon

Tuj se koy gilah naheen hay muj ko
Main tujhe beywafa naheen kehta
Warna eik beynawa mohabbat main
Dil k lutne pe kiya naheen kehta

Koy poursaan haal ho to kahon
Keisi aandhi chali hay tere baad
Din guzara hay kis tara main ne
Raat kaise dhali hay tere baad

Rooz jita hoon rooz marta hoon
Jab tere shehar se guzarta hoon!!!

__._,_.___

 

1324~*Khirki, chand, kitab aur main*~Pak Old...

 

1324~*Khirki, chand, kitab aur main*~Pak Old...

Khirki, chand, kitab aur main,
Mudat se 1 baab aur main,
Shab bhar khailen apas me,
Do ankhain 1khwab aur main,
Mouj aur kashti sahil per,
Dariya me gardaab aur main,
Sham, udaasi, khamoshi,
Kuch kanker talaab aur main,
Har shab pakrey jaty hen
Gehri neend, tery khwab aur main

__._,_.___

 

1323~*Tankey Wafa K*~Pak Old...

 

1323~*Tankey Wafa K*~Pak Old...

Yeh shishey yeh sapney yeh rishtey yeh dhagey

kisey kiya khabar hay kahan tuut jaeen

Mohabbat k darya main tankey wafa k

Najaney yeh kis moor par doub jaeen

Ajab dil ki basti ajab dil ki wadi

Har ek moor mousam nai khawaishon ka

Lagaey hain ham ne bhi sapno k podey

Magar kiya bharosa yahan barishon ka

Muradoon ki manzel k sapno main khoey

Mohabbat ki rahoon pe ham chal parey they

Zara doour chal k jab aankheen khuleen to

Kahri dhuop main ham akeley kharey they

Jinheen dil se chaha jinheen dil se puja

Nazar aa rahey hain wohi ajnabi se

Rawayat hay shayad yeh sadeyon pourani

Shikayat naheen hay koi zindagi se

__._,_.___

 

1321~*Woh Kisi Ka Ho Chuka Tha*~Pak Old...

 

1321~*Woh Kisi Ka Ho Chuka Tha*~Pak Old...

Jis ka name naheen liya tha
Main ne jis ko shaam kaha tha Aaj kahen woh shaam naheen hay
Yaad mujhay woh name naheen hay Jis ki aankheen dekh k main ne
Apne khuwab tarashey Aaj mujhay kyun lagtey hain woh
Sare kheel tamashe Woh jita main haar gaya tha Woh bichra to main ne us ki ahat ko apnaya
Najane kiya dekha main ne rastoon se lout aya Woh kisi ka ho chuka tha

__._,_.___

 

1320~*Dil_e_Dagdaar*~Pak Old... Lagta naheen hay jee mera ujrey diyaar main Kis ki bani hay aalam_e_ napayedaar main Keh do in hasarton se kaheen aur ja baseen Itni jagha kahan hay dil_e_dagdaar main umar_e_daraaz maang k laey they chaar din Do aarzo main kat gaye do intezaar main Itna hay badnseeb "Zafar" kafin k liye dafn k liye Do gaz zameen bhi na mili kuh_e_ yaar main

 

1320~*Dil_e_Dagdaar*~Pak Old...

Lagta naheen hay jee mera ujrey diyaar main
Kis ki bani hay aalam_e_ napayedaar main

Keh do in hasarton se kaheen aur ja baseen
Itni jagha kahan hay dil_e_dagdaar main

umar_e_daraaz maang k laey they chaar din
Do aarzo main kat gaye do intezaar main

Itna hay badnseeb "Zafar" kafin k liye dafn k liye
Do gaz zameen bhi na mili kuh_e_ yaar main

__._,_.___

 

1319...Badloon K Taley...Pak Old*~~

 

~~*1319...Badloon K Taley...Pak Old*~~

Badlon k taley hum yunhi sham dhaley
Rooz milty rahey hain rooz milty raheen ge
 Jab bhi poukara tu ne hum ko
Paas tere a jayeen gey
wadi wadi parbat parbat
Pyaar k geet rachayen gey
 Waqt ka karwan le k jaye jahan
Har qadam par hum
tujhe apni manzil kaheen gey
 Aey haseen humsafar pyaar ki rah par
Sath aeen gi khushiyan sath har ghum sahen gey!

__._,_.___

\

1318...Agley Saal...Pak Old

 

~~*1318...Agley Saal...Pak Old*~~

Jab agle saal yehi waqt aa raha ho ga
Yeh Koun janta hay koun kis jaga ho ga

Tu merey samne batha hay aur main sochta hoon
K aney waley lamhon main jina bhi ek saza ho ga

Hum apne apne bakheron main pans chuke hoon ge
Na tujh ko mera na muj ko tera pata ho ga

Yehi jaga hay jahan aaj mil k bathe hain
Ishi jaga pe KHUDA jane kal kiya ho ga

Bicharne wale tujhaye dekh dekh sochta hoon
Tu kal mile ga to kitna badal chuka ho ga !

__._,_.___

\

1317~*Nazar ko Yaqeen Hay*~Pak Old...By Qateel Shafi !

 

1317~*Nazar ko Yaqeen Hay*~Pak Old...By Qateel Shafi !

Tu jo naheen hay to kuch bhi naheen hay
Yeh mana ke mahfil jawaan hay haseen hay

Nigaahon me tu hay yeh dil jhoomta hay
Najaane mohobbat ki raahon me kya hay

Jo tu humsafar hai to kuch gham nahi hay
Yeh mana ke mahfil jawaan hay haseen hay
Tu jo naheen hay to kuch bhi naheen hay

Wo aayen na aayen jammi hay nigaahen
Sitaaron ne dekhi hain jhuk jhuk ke raahen

Yeh dil badgumaan hay nazar ko yakeen hay
Tu jo naheen hay to kuch bhi naheen hay
Yeh mana ke mahfil jawaan hay haseen hay!

 

__._,_.___

 

1316~*Ulfat Ki Rahoon Main*~Pak Old....

 

1316~*Ulfat Ki Rahoon Main*~Pak Old....

Hum ne tum se pyaar kiya hay
Ulfat ka ikraar kiya hay
 
Meri manzil meri rahain tuj ko dhundain tuj ko chahain
Tu hay mere pyaar ki janat karta rahon ga tuj se mohabbat
 Chahat ka izhaar kiya hay
 
Dil main basa k pyaar ki surat aaj banayeen esi murat
Jis pe khizan ane na paey taajmahal jis se sharmaey

wahda meri jaan kiya hay
 
Ulfat ki rahhon main sathi saya ban k sath rahain gey
Bade saba k sath urein gey kali ghata k sath chalain gey
pyaar kiya tha pyaar kiya hay

__._,_.___

 

1315...Aey Jaan_e_Jahan...Pak Old*~~

 

~~*1315...Aey Jaan_e_Jahan...Pak Old*~~

  JIS SIMAT BHI DEKHON NAZAR ATA HAY K TUM HO
AEY JAN-E-JAHAN YE KOI TUMSA HY K TUM HO
YE KHWAB HY , KHOSHBOO HY K JHONKA HY K PAL HY
YE DHOND HY , BADAL HY K SAYA HY K TUM HO
IS DEED KI SAAT ME KAI RANG HEN LARZAN
ME HOON K KOI OR HY , DONYA HY K TUM HO
DEKO YE KISI OR KI ANKY HEN K MERI
DEKOON YE KISI OR KA CHEHRA HY K TUM HO
YE OMRE GOREZAN KAHEEN THERY TO YE JANOO
HAR SANS ME MOJH KO YEHI LAGTA HY K TUM HO
IK DARD KA PHELA HOWA SEHRA HY K ME HOON
IK MOJ ME AYA HOWA DARYA HY K TUM HO
WO WAQT NA AAYK DILZAR BHI SOCHY
IS SHEHER ME TANHA KOI HAMSA HY K TUM HO
AY JAN ITNI BHI TOFEEQ KISY THI
HAM KO GHAME HASTI BHI GAWARA THI K TUM HO...

__._,_.___

 

1314~*Sada De Raha Hay*~Pak Old....

 

1314~*Sada De Raha Hay*~Pak Old....

Tujhaye apne dil se main kaise bhula doon
Teri yaad hi to meri zindagi hay
 Tujhe kiya khabar hay k tuj se bichar kar
Tarap kar har eik pal guzara hay main ne
 Judayi k ghum se parishan ho kar
kahi bar tuj ko poukara hay main ne
 Sada de raha hay tujhe pyaar mera
Meri zindagi tu kahan kho gaye hay
 Tujhe bhul jana naheen mere bas main
Mujhe dard de kar chale jane wale
 Tere ghum se daman main kaise chura loon
Har eik baat par muj ko yaad ane wale
 In aankhon main har dam jale ga tera ghum
Kabhi na bujhe jo yeh woh roshni hay
 Tujhaye apne dil se main kaise bhula doon
Teri yaad hi to meri zindagi hay...

__._,_.___

 

1313~*Tum Hi Tum*~Pak Old....

 

1313~*Tum Hi Tum*~Pak Old....

Kaise kaise haadsye sehte rahe
Phir bhi hum jitey rahe hanstye rahe
 
Us k a jane ki umedain le kar
Raasta mur mur k hum takte rahe
 
Waqt to guzra magar kuch is tara
Hum chiragoon ki tara jaltye rahe
 
Kitne chere the humare aas paas
Tum hi tum dil main magar baste rahe
 
Kaise kaise haadsye sehte rahe
Phir bhi hum jitey rahe hanstye rahe

__._,_.___

 

1312~*Kho Gaey Sapnoo Main Ham*~Pak Old....

 

1312~*Kho Gaey Sapnoo Main Ham*~Pak Old....

Dekha na tha kabhi hum ne yeh samman
 Asa nashaa tere pyaar ne deya socha na tha
 Kho gay sapnoo main hum
 Duniya humeen ab jo kahey

Duniya ki rasmon ko toor toor chalen
 Raheen humeen ab jo kaheen

Rahoon ki bahoon ko choor choor chaleen

Jab se mila humen pyar tera

Chera haseen lage bar bar mera 
 Ham tujhay dil main chupayeen ge

karna pare na intezar yaar tera
 Dekha na tha kabhi hum ne yeh samman
 Asa nashaa tere pyaar ne deya socha na tha
 Kho gay sapnoo main hum

__._,_.___

 

1311~*Meri Aankhon Main*~Pak Old....

 

1311~*Meri Aankhon Main*~Pak Old....

Jab se hum ne khizaan ko dekha hay
Kuch bhi ab mosam_e_ bahaar nahen
Is qadar bhaa gai hay tanhai
Ab tumara bhi intezaar naheen
 
Juthey wahde hain sathe jine k
Juthi kasmain hain sath marne ki
Manzelon ki umeed kiya rakhain
Humsafar ka hi ahtbaar naheen
 
Tum se bichar k zindagi apni
Kitni baharen sath lai hay
Yun samjh lo k dil tumare liye
Ab zara sa bhi bekaraar naheen
 
Meri aankhon main pyaar na dhundo
Meri batoon main ikraar na dhundoo
Dil to pahlou main hay magar dil par
Ab humara bhi ikhtiyaar naheen!!!

__._,_.___

 

1310~*Rooz ubharty hain,Rooz duubty hain*~Pak Old...

 

1310~*Rooz ubharty hain,Rooz duubty hain*~Pak Old...

Rooz ubhary hain,rooz dubaty hain
Raat din hum yeh kis ko dhundhty hain
 
Hijer kya,visel kya hay, chahat kya
Aap kyun bar bar pouchty hain
 
Yeh mohabbat hay maslaht hay k wahim
Aaj un ko bula k pouchty hain
 
Dekh kar eik khiyal parwar ko
Kaise kaise khiyaal sujhty hain
 
Chand se dhodiya samandar hay
Rait par nage paoun ghumty hain
 
Shayad un ka khiyaal a jaye
Aankh eik saniye ko mondhty hain
 
Is tara koun kis ko dhundhta hay
Jis tara hum kisi ko dhundhty hain
 
Besabab dil main dard utarta hay
Besabab loog hum se ruthety hain
 
Kis qadar khudfreeb hain hum bhi
Kaise kaise butoon ko poujty hain
 
Haal dil kiya kahain kisi se k ab
Baat kigiye to lafz tuut tey hain

__._,_.___